Torteldoéf

Refrein:
Neum mich gen hertje, baerke, torteldoéf ôf moés,
want dân geis-se straks allein naor hoés.
Jao wil-se mich, verknal dân ni dien kans,
met dae biëstepraot hes-se ech gen sjans.
Neum mich gen hertje, baerke, torteldoéf ôf moés,
daen halve dier'ntuin dae löt-se mâr thoés.

Zeen ik dich heej dees Vastenaovesdaag,
kriég ik flot kriebels, ônder in de maag.
Mien hertje bônkt hiël hârd, ik krieg ut werm
en neem dich stevig vas tusse mien erm.
Zeg schat wils dich messchien,
mien tortelduufke zien?
Nae!

Want ik bin mins, dât huürs-se al hiël gauw,
ik roop gen boe en zeker gen miauw.
Dus wil-se wât vân mich, jao vur mien part,
mâr laot die boerderiej beej Roeffe Mart.
Zeg mich in mien gezich,
gewoën ik hald vân dich.