Hae is de rammelaer

Refrein:
Hae is de rammelaer, hae houwt zoë gaer.
Dreej note op pepeer, speult hae d'r veer.
Dwars door ôs samespel, krieg dân dât dink en lel.
Hae is de rammelaer beej ôs kepel.

refrein

Wiej ut menke waas gebaore, zoog Bagge ut geliék.
Dât kân vânalles waere, mâr ni in de meziek.
Hae houwde met zien speulgood, a-ritmies op zien hand.
Pap ging dân naor de buure, en d'n hônd scheet in zien mand.

refrein

Hae woej beej de fanfare, dus ging hae dao op les.
Daag in daag oét studere, deej vreselik zien bes.
Toen reep d'n dirigent um, en zag ni al te bliej:
"Gank dich mâr gauw ens zeuke, naor en zâtte hermeniej".

refrein

Now löp hae in d'n optog, lid vân ôs joekskepel,
kân hiël flot nieje stukke, kump zelde in de knel.
Soms is hae wal d'n tel kwiét, ein, twië, dreej ôf veer.
Dân gaeve weej um bônne, jông, haal dich vur ôs mâr beer.

refrein