De vastenaovend burgemeister

Refrein:
Ik bin de Vastenaovend burgemeister
heej in ut Vastenaovend land.
Dreej daag lang zien weej hiër en meister
met de sleutel in de hand.
Kôm burgerluuj weej gaon ut same make
höf ut glaas op ôs profiét.
De burgemeister zal good wake
weej kenne gen sloétingstiéd.

B & W die keeke euverspanne
toen ik eur en veurstel deej.
Zeg vergaet die idiote planne
neem ôg zelf now dreej daag vreej.
Gen gemits en gen gemaar
want ik neem ôg beide waar.

B & W die kwaam ik later taege
jao dân kân ik gen pardon.
Dân bekeur ik eur tot zaege
met en echte consumpsiebôn.
Gen gemits en gen gemaar
want ik neem ôg beide waar.

B & W die mâkte 's nachs comosie
hoe môt dât now ut volgend jaor?
Gaef die blieje toch promosie
dreej daag is toch gen bezwaor?
Gen gemits en gen gemaar
want zeej nimt ôs prima waar.