D'n haufpriés

Ik loog vânnach hiël lekker op mien kusse
en ik veel dao zoewât drek in slaop.
Gelukkig kwaam d`r dit kiër niks miër tusse
en ginge now is mien augleeje ni aop.
Toen kwame alle stukskes op en riej.
Ut laeve is soms net en lotteriej.
Daovân zuuj ik zoë gaer en lötje winse.
Ok al geit dao vân alles vur opziej.

Refrein:
Ik druim d`r vân
dât ik oëit is zal gaon winne.
Ik druim d`r vân
dât ut geluk d`r is zal zien.
Jao ik druim d`r vân
dât deze priés dân allein mâr gewônne zal zien door mich.
Jao heej druim ik vân
dân lach ik met gans mien gezich.
Jao heej druim ik vân
vân d`n haufpriés en dât bis dich.

Ik zal now idd`ren aovend vroeg gaon slaope
zoëdât ik dich dân in mien druim kân zeen.
De kanse um te winne bliéve aope
ik gluif dât ik dit toch wal verdeen.
Dich bis d`n haufpriés oét de lotteriej
d`n allerbeste vân gans de partiej.
Ik zal ut zegge taege alle minse
och wât mâk-se mich in mien druim toch bliej.

refrein

Jao heej druim ik vân
vân d`n haufpriés en dât bis dich.