Archief

Ni miémele, vastenaovend viere,

Volges mich is 't gebroek van 't woord "miémele" met stip gestege in de limburgse woorde top 100.

As schriéver vind ik det prachtig.

In 't twiede coeplet van de Miémelaer steit "zoe vierse toch gen vastenaovend, in godsnaam wao is dien verstand". Dit heb ik de aafgelaupe daag wal ens gedach as ik links en rechs wat commentare zoog euver ut LVK, zoewal euver os as euver collega artieste.

Weej hebbe waardering en respect vur idderein dae zich al de meujte nimt um mei te doon aan 't LVK.

Meidoon is en prestatie, halve finale is en prestatie en de finale is det zeker.

't Waas en groët prachtig en good georganiseerd fiës met totale inzet door alle partieje en eur vreejwilligers.

Weej zien ontzettend trotse twiëde gewaore en zien dao miër as diek tevreeje euver.

Idderein bedank dae os dit jaor wir gesteund haet.

Met name op ozze Gekke maondig hebbe weej vuul felicitaties gekrege vur os prestasie en alle Plaggenhouwers die weej gespraoke hebbe sprooke net zoeas os terech eur ongenoege oet euver de "boeh" affaire. Det duisse ni, ... punt!

Weej gaon ni meidoon aan alle negatieve (social) media oetlaotkleppe. Idder haet zien eige meining en is dao vreej in um die te gaeve, of det now wal of ni slum is, al is 't misschien wal zaak aaf en toe en minuutje langer nao te dinke vur desse wat schriefs of zaes, ok asse enne journalis van Tante Bet bis.

De optraejes die we door de ganse provincie doon zien super, euveral 't daak d'r aaf en gewoen vastenaovend viere zoeas ut bedoeld is, heerlijk. Weej veule os as Toddezèk dan ok nag steeds beveurrrecht det weej dao aan beej meuge drage, en det blieve weej zeker doon zoelang as geej en weej det leuk vinde (soms zellufs vur en bekske pinda's in Mheer of en brëëdje kroket in Margrate).

Dus samegevat, ni miémele, vastenaovend viere... en rundjes träöte...

We zeen os.

René, Geert en Twan, ok wal bekind as de Toddezèk.