Archief

Erg belangriék berich aangaonde de Gekke Maondaag

Gezeen de barre winterse weersumstandighede haet ut bestuur vân de Gekke Maondaagsvereiniging beslaote um ut programma aan te passe.

Um de Plagge en Plagginne te bescherme taege de kelt zulle dr beej ut ald Gemeintehoés en paar vurzieninge kômme te staon wao me hoëg, druüg en beschermp taege de wind, de offiesjele äöpening vân de Gekke Maondaag en de Boérebroelof en bietje aangenaam kân beejwoëne.

As de weersumstandighede ZOËDANIG zien dât ut gewoën ech TE kald en TE guur is um ut gerboékelikke programma BOÉTE aaf te werke, In dât geval zal de offiesjele äöpening vân de Gekke Maondaag  same met de Boérebroelof gehalde waere in ut ald Gemeintehoés BINNE.

Druüg en werm kunne de Plaggenhouwers dân getuúge zien vân dit gebeure.

Ut bestuur haet gemènd met dit besloét ein vân de hoëgtepunte vân ôzze Gekke Maondaag niks te kort te doon.

Dus kôm allemaal grûs maondigmorge nao ut ald Gemeintehoés.

De baovestaonde maotregele gelde ok vur de priésoétreiking vân d'n optog!