Archief

Oproop vur d'n optôg

Gekke Maondaagoptog, en jaorliks hoëgtepunt in ôs Vastenaovesseizoen. D'n optog zit de letste jaore wir in de lift en dât is te danke aan hiël vuül kreatieve en  vindingriéke Plagge en Plagginne die allein, ôf met enne kleine ôf groëte groep, en idee  oétbiëlde. D'n optog is moëj âs d'r en verscheidenheid aan ludieke, komiese, dörpse, maatschappelikke en andere themaas vurbeej trekt. Neem ut dörp, dörpelinge ôf gebeurtenisse mâr is op de korrel. Gekke Maondaag is toch d’n daag um alles met en körrelke zalt te neme!!! In d'n optog hes-se altiéd suukses, wiej groët ôf klein de oétbiëlding ok is. En dankbaar publiek steit klaor um ôg toe te juiche en te bewôndere.

De veurbereidinge op d'n optog kunne net zoë gezellig zien, âs de deilname zelf. Ut guf ôgge vrindegroep, femiélie, orgenizasie ôf klup de gelaegenheid um is op en andere meniër met mekaar bezig te zien. Deilname aan d’n optog is net zoë deur âs geej  ut zelf wilt make en ut holt, de plaate en de verf wördt  graties ter beschikking gesteld. En ziet geej en bietje hendig op internet, dân geijt d'r en vastenaoveswaereld vur ôg aope.

Heb geej zin um meij te doon mâr velt ôg ni ut gôjje idee in?  Gen probleem, de optogkemissie wet altiéd wal eemus dae met ôg meij-dinkt. D'n optog steit vur alle laeftieje aope en zeker vur de jeugd geldt: "vroeg geliërd is ald gedoon".

Ziet geej nag ni euvertuúgd?  Praot d'r is euver met enne vrind ôf en vriendin, binne ôg vereiniging ôf klup, ôf trômmel de femiélie op vur enne geweldige daag. Wedde dât ut ôg lukt...

Weej zeen mekaar gaer op 6 fibberwarie 2011 in de schoënste, langste, kleurriékste en gekste optog sinds jaore.

Alaaf.

Inschriéve vur d’n optog op 29 jannewarie van 11.00-12.00 oor beej De Vonkel.

• De wagebouwers kunne beej Piet Straote latte, plate en verf kriége.
• De wages meuge ni breijer zien dân 3,50 m.
• De wagebouwers môtte efkes de plaats doorgaeve wao ze aan ut bouwe zien.