gekke maondaagsvereiniging

DE PLAGGENHOUWERS

  • De liedjesaovend is gewonne door Björn van Berkel met ut liedje "Ventilere!".
  • Gjownie, Moira en Juul winne de jeugdliedjesaovend met "Konfetti"!

Leef Plagge en Plagginne,

Aafgelaupe zaoterdig is tiédes de jaorvergadering vân ut BCL (Bond Carnavalsverenigingen Limburg) bekend gemâk dât ut BCL Carnavalstreffen in 2019 georganiseert geit waere daor Gekke Moandaagsvereiniging de Plaggenhouwers oét Grubbevors.

Weej zien âs Plaggenhouwers netuurlik ontzettend gruüts dat weej, nao ut BCL Carnavalstreffen in 2007 al enne kiër georganiseerd te hebbe, now wer de kans kriége um ein geweldig fiës te organisere vur ôs zustervereinginge oét gans Limburg.

Ôk zien weej ontzettend gruüts op ôs vreejwilligers vân de kemissie 6x11, die al enne hiele tiéd geleeje begonne zien met de vurbereidinge op ôs jubileum fiës en die der achter de scherme alles aan gedaon hebbe um der vur te zörge dat weej ut BCL Carnavalstreffen vur de twiëde kiër in ôs historie naor Grubbevors hebbe weite te haale.

Alvâs hiël hartelik dank daorvur!

Der zal vur de organisasie van ut BCL Carnavalstreffen en kemissie waere samegesteld. Die geit zoë snel meugelik aan de slaag met de veurbereidinge, zodât weej in ut wiekend van 22-23-24 november ein fantastisch fiës kunne organisere vur Grubbevors en gans Limburg!

Same gaon weej heej wer ein geweldig fiës van maake.

Met enne Plaggegroet,
Bestuur Gekke Maondaagvereniging de Plaggenhouwers